Нов Opel Astra Sports Tourer

Размислувајте практично! Возете емотивно! Нема противречност во тоа.

ПРАКТИЧНОСТА СЕ СРЕЌАВА СО ЕЛЕГАНЦИЈАТА.

Сиот стил и динамична елеганција кои ја карактеризираа Opel Astra се пренесени на новата Opel Astra Sports Tourer – без да му штетат на просторот за товарење и со дополнителни користи во практичноста, функционалноста и иновацијата, кои го олеснуваат секојдневниот живот.

Дизајн
Удобност
Простор за товарење
Динамика во возењето
Мотори и преноси
Безбедност

Преден изглед

Сиот стил и динамична елеганција кои ја карактеризираа Opel Astra се вешто пренесени на Astra Sports Tourer. Тенките “острооки” фарови, ниските и широко поставени трепкачи, во комбинација со широка, ниска заштитна решетка, оставаат непосреден впечаток. Линиите кои беспрекорно го влеваат профилот на крилото во А столбовите даваат експресивен израз на стручноста инвестирана во креирањето динамична спортска аеродинамика. Целината е драматично нагласена со светлата за дневно возење во “крилест” стил.

Страничен изглед

Долгиот, елегантен, страничен профил динамично го истакнува називот Sports Tourer. Продолжената, налик на купе, линија на покривот совршено се соединува со задниот спојлер, додека C столбот изгледа како лесно да се влева во нежно свитканата средна линија. Ова е уште понагласено со извонредните прозорци и страничниот облик во “сечиво” стил под средната линија. Целосниот ефект е спортски, стилски, елегантно јасен и чисто аеродинамичен, без да наштети на практичноста или внатрешниот простор.

Заден изглед

Широкиот спортски став е веднаш забележлив од задниот дел. Се надоврзуваат извајаната структура на петата врата и широкото панорамско задно стакло под спојлерот на покривот. Сноповите на задните светла графички ја продолжуваат динамичката средна линија на формата на задниот дел. Тие се уште поистакнати со задното осветлување во “крилест” стил. Заштитниот знак на Opel со изедначена плитка V структура е исто така присутен, нагласувајќи го централното позиционирање на задното лого на Opel и регистарската табличка. Испакнатоста на задниот браник, оптимизиран за аеродинамика багажна ефикасност, ја заокружува спортската практичност.

Надворешен дизајн

Од страничниот дел најубаво се гледа колку добро дизајнерите природно го развиле Astra Sports Tourer од купе стилот на Astra. Дополнителната должина на спуштената линија на покривот, подигнатата средна линија, елегантната страна на проширувањето на прозорите и дискретниот спојлер на покривот придонесуваат да се добие речиси изглед на GT.

Неповолност на ова издание со високи перформанси може да биде клиентот да се двоуми околу задниот простор за товарење. Всушност, тој е малку поразличен и подобрен во однос на флексибилноста и функционалноста во споредба со претходниот модел. Дополнителната должина значи подолг простор за товарење, што значи дека за нормален товар, т.е. за оние кои товарат само во средната линија, просторот е зголемен.

Внатрешен дизајн

Широките линии и панорамската табла за инструменти се усогласени и создаваат чувство на добредојде во пријатниот простор. Висококвалитетните материјали на новата Opel Astra Sports Tourer се усогласени со одличниот стандард на мајсторство. Главните површини се од мек материјал висококвалитетна структура.

Хромските додатоци даваат технички, модерен раб на кабината. Темата на сечило се сретнува и тука – во детали, како воздушните вентили, рачките на вратите и управувачот.

Големо внимание е посветено на деталите во новиот Opel Astra Sports Tourer – дизајнот и практичната поставеност на контролните елементи, повеќефункционалниот контролор или копчињата на централната конзола. Резултат: префинета кабина со одлична ергономика.

Ергономско спортско седиште

Без разлика како возите или колку далеку, удобноста на седиштето е витална потреба. Новиот Opel Astra Sports Tourer тоа го овозможува со целосно ортопедско ергономично спортско седиште кое се прилагодува на 6 начини со лумбална поддршка на 4 начини да одговара на вашето држење - совршено.

Исто така има и прилагодливо продолжување на перничето на седиштето за релаксирачка поддршка на нозете. Перфорираната кожа со греачи го воведува новиот Opel Astra Sports Tourer во луксузна категорија. Но, доколку повеќе сакате, текстилната верзија го обезбедува истото ниво на ортопедска поддршка.

Ергономското спортско седиште е одобрено и се препорачува од страна на AGR (Aktion Gesunder Rücken e.V.), германско медицинско здружение кое има поставено ортопедски услови за автомобилски седишта.

Сопирачка за електрично паркирање

Новата сопирачка за електрично паркирање која работи на допир нуди зголемена безбедност при паркирање и намален напор на возачот. Исто така, во комбинација со системот за помош при поаѓање на нагорнина и стоење на нагорнина, кои спречуваат автомобилот да оди наназад кога е застанат на нагорнина, се движите лесно и без напор со зголемена удобност и безбедност.

Климатизација со двојна зона

Квалитетот и контролата на воздухот се главен аспект на комфорот на внатрешноста на Opel Astra Sports Tourer. Електронската контрола на климата (ECC) нуди нова тишина и чувство на контрола, вклучувајќи индивидуална меморија поставена од возачот. Воздухот е филтриран со јаглен и двајцата патници кои седат на предните седишта можат одделно да ја изберат посакуваната температура. ECC се карактеризира и со контролирана рециркулација на делумен воздух за подобрени перформанси на греење и ладење.

Вентилите за дифузна вентилација се уникатни за Opel Astra Sports Tourer. Регулирани со команди преку управувачот, тие овозможуваат дифузија на воздухот и умереност преку прилагодливите крила за попријатна дистрибуција на воздухот.

Сончев покрив

Електричниот сончев покрив има косина и лизгачки функции со механизам за анти-стапица. Обоеното стакло исто така обезбедува дополнителен извор на светлина, ссставен лизгачки штитник за сонце го покрива за заштита против несакана сончева радијација.

Системи за инфозабава

Без разлика дали станува збор за примање информации за сообраќајот, динамичко навигациско водење, пристап до омилените радио станици или вашиот MP3 плеер, интегрираниот систем за инфозабава во новиот Opel Astra Sports Tourer е толку прекрасно интуитивен за употреба колку што е убав на изглед.

Имате избор од Stereo CD-Radio со MP3-плејбек и aux-in во врвниот систем за навигација од најновата генерација. Системите со високо ниво исто така имаат и USB конекција која овозможува контрола на MP3 плеерот преку воланот и дисплејот.

За да го поврзете вашиот мобилен телефон, можете да изберете помеѓу безжична Bluetooth™ солуција или интегриран систем со постамент кој ја полни батеријата на мобилниот телефон. Сите важни телефонски функции можат да се регулираат од управувачот, таблата или гласовно.

Звучен систем Infinity

За апсолутно извонреден звук новиот Opel Astra Sports Tourer ја нуди и опцијата за исклучителниот звучен систем Infinity. Тој користи директни канали од 7x45 W со 8 извонредни звучници. Звучниот сигнал е дигитализиран да биде подесен со дигитална обработка на звукот (DSP), за прецизен звук. Разликата за вас е – подобра репродукција на звукот при секакви улови на возење.

FlexDock

Останете поврзани преку вашиот iPhone или друг напреден телефон кога патувате со уникатниот FlexDock систем на Opel. Совршено лоциран, тој го полни вашиот телефон додека возите и овозможува aux-in конекција со системот за инфозабава, без разлабавени кабли за конекција.

До 19 простори за чување предмети

Новиот Opel Astra Sports Tourer нуди бројни, практични и генијални можности за чување предмети. Новиот Opel Astra Sports Tourer има погоден простор за чување предмети на дофат на возачот и патниците. Џебови на предните и задните врати со држачи за шишиња, кутија за чување на возачот, држачи за чаши, голема автокасета и предни и задни централни потпирачи за раце со затворени прегради за чување – во зависност од опремата има вкупно 19 простори за чување големи и мали предмети.

Подолга и пофлексибилна: Преграда за багаж

Новиот Opel Astra Sports Tourer покажува како да се комбинира спортска елеганција со високо ниво на функционална практичност.

Со сите седишта подигнати има 500 литри товарен волумен, што значи дека Opel Astra Sports Tourer лесно се справува со багаж за одмор
Свиткувајќи ги задните седишта 60:40, товарниот капацитет до висината на предното седиште се зголемува до 1,000 литри, ослободувајќи простор за речиси секаква пројавена потреба. Максималниот товарен волумен до покривот е 1,550 литри
Товарниот простор во должина на подот е корисен и практичен 1,853 мм. Така што и долги предмети лесно се сместуваат
За рамен товарен под, едноставно свиткајте ги перничињата на задното седиште и седиштата нанапред. Не мора ни да ги тргнете потпирачите за глава
И перничињата на задното седиште можат лесно да се отстранат. Тоа значи дека можете да го употребите целиот заден товарен простор без да морате да пречите на предното седиште или просторот за нозете

Капак за лесен пристап

Брз пристап до багажот или целосно товарење или растоварање на багажот? Новиот Opel Astra Sports Tourer ги нуди обете. Капакот за лесен пристап се придвижува нагоре во D столбовите за пристап до преградата за багаж. Или со еден допир може да биде целосно повлечен напред со меко кочење и изчезнува во својата касета. А кога сакате да товарите повисоко, капакот на багажникот лесно се отстранува и може да биде сместен во делот под подот на преградата за багаж и да не се гледа.

Странични џебови во просторот за чување предмети

Потребен ви е лесно пристаплив простор за корисни предмети? На обете страни само погледнете ги пространите џебови за чување предмети. Тие ви овозможуваат непосреден пристап до оние ситни предмети кои секогаш треба да бидат при рака.

Преграда во багажниот простор

Доколку некогаш ви затребаат, триаголникот и опремата за прва помош се секогаш на дофат, сместени во специјална преграда на багажниот простор.

Товарен под на преклопување

Под подот на просторот за чување предмети на новиот Opel Astra Sports Tourer ќе најдете дополнителен простор за предмети кои нема или можеби нема вообичаено да ви бидат потребни. Капацитетот варира, во зависност од нивото на опрема на моделот.

Во стандардна Opel Astra Sports Tourer конфигурација, со прибор за поправка на гуми, просторот е цели 73 литри. Опремен е со подвижна преграда, така што можете да го прилагодите просторот или да балансирате потежок товар
Ако се одлучите за звучниот систем Infinity, просторот заземен од звучникот сè уште остава волумен од 57 литри
Доколку го одберете новиот Opel Astra Sports Tourer со резервно тркало кое заштедува простор, има среден под под подот за чување предмети со капацитет од 20 литри. И дури и со резервно тркало со целосна големина, останува достапна табла со прегради од 19 литри

FlexOrganizer® систем

Прилагодете го вашиот нов Opel Astra Sports Tourer товарен простор да одговара на вашиот живот или работен стил. Модуларниот FlexOrganizer^® систем се состои од разновидни добро смислени компоненти за транспорт и чување, кои ви овозможуваат да го организирате товарниот простор токму онака како што сакате.

Системот се заснова на прачки монтирани странично во багажникот. Само ставете ги во лежиштето и заклучете ги вашите избрани компоненти. Тоа е толку лесно
Овие компоненти вклучуваат разни прегради, кутии, мрежи и куки кои можат брзо и лесно да се додадат или прилагодат. На тој начин вашиот нов Opel Astra Sports Tourer може да биде индивидуално конфигуриран за речиси секоја употреба за бизнис или одмор

FlexOrganizer^® пакувањето вклучува:

FlexOrganizer^® прачки
Мрежна преграда со две пречки
Преграда за мал багаж
4 адаптери

Нова шасија

Подобрен комфор при возење, динамика на возење и реакција на управување, со намалена врева и вибрации се главните користи добиени од новата шасија на Opel Astra Sports Tourer. Во споредба со претходниот Astra Sports Tourer предниот дел од шасијата е зголемен за 56 мм, а задниот за 70 мм. Тоа овозможува зголемен простор кај педалата и придонесува да се зголеми управувањето и стабилноста добиени со новата амортизација.

Друго подобрување на возењето е тоа што средната линија доби 71 мм во споредба со претходниот модел. Порастот во јакоста на каросеријата пружа цврста платформа за амортизација и придонесува кон значително намалување на врева, вибрации и отпорност.

Задна амортизација со Ват врска

Уникатната задна амортизација на новиот Opel Astra Sports Tourer е сложена осовина на зглоб со Ват врска. Додека принципот на Ват врска е познат повеќе од 200 години, во последно време повеќе се користи во тркачките автомобили. Принципот е навистина едноставен.

Челичен скрстен држач веднаш позади централната линија на воланот ги носи двата потпорника на зглоб. Тие се центрирани во средина и краевите се прицврстени на пониски носачи на тркалото. Резултатот е што секој страничен удар на една страна е веднаш компензиран со еднаква сила на другата страна, зголемувајќи ја стабилноста. Главната корист на овој компактен систем ефективно спречува латерално движење на оската, пружајќи удобно патување и подобрено управување со возилото.

FlexRide шасија

Замислете си автомобил кој постојано го прилагодува своето однесување кон условите на патиштата и вашиот стил на возење. Замислете си дека со притискање на копче можете да одберете удобен крузер или динамичен спортски автомобил. Новиот FlexRide систем е токму ова.

FlexRide контролниот систем на електронската шасија веднаш реагира на условите кои се менуваат и постојано се прилагодува кон вашиот стил на возење. Постојаната контрола на амортизација ги прилагодува сетинзите на амортизација во вистинско време. 4-канален ABS со дистрибуција на сила на електрично кочење, контрола на лепење на гума и ESP^®Plus овозможуваат фантастична динамика на возење.

Со FlexRide менувачите, можете да ја смените целосната динамика на возење со притискање на едно копче. Изберете помеѓу трите режими ‘Sport’, ‘Tour’ и ‘Normal’ – сите оптимизирани за различни сценарија на возење, од напната спортска возбуда до релаксирани подолги релации со безбедност и стабилност.

Опсег на моторот

Новиот состав на опсежната електронски погон на Opel Astra Sports Tourer се карактеризира со мотори на бензин и дизел кои се движат од 70 kW (95 hp) до 132 kW (180 hp). Сите мотори се во согласност со Euro 5 стандардите за емисија.

Обете варијанти, дизел и бензин, се достапни со напреден, прецизен и лесно-менлив 5- или 6-брзински рачен пренос, додека сосема новиот автоматски 6-брзински пренос со ActiveSelect^{® е} достапен на 2.0 CDTI ECOTEC^® и сите мотори на бензин освен природно аспирирани 1.4 литри ECOTEC^® мотори како и 88 kW (120 hp) 1.4 Turbo ECOTEC^®.

ecoFLEX: заштедува гориво - намалува емисии

За некои возачи животната средина е пред сè останато. Доколку сте еден од нив, новиот Opel Astra Sports Tourer сега нуди вистински избор. Потрошувачката и емисиите на сите ecoFLEX модели се намалени преку оптимизирање на технологијата на контрола на моторот и должината на брзините, подесување на аеродинамиката на предницата и долниот дел на возилото, соодветен електричен серво волан и интелигентно управување со електричната енергија – и индикатор за зголемување на брзината на таблата со инструменти. 1.4 ecoFLEX Astra Sports Tourer со мотор бензинец исто така има пумпа за масло со променлива дислокација и електронски контролиран термостат. Тоа помага за 74 kW (100 hp) капацитет, со емисии од само 129 g/km, и комбинирана потрошувачка на XY* l/100km.

1.3 CDTI ecoFLEX дизел моделот се карактеризира со активен капак на ладилникот и гуми со низок отпор при вртење. Овозможува здрави 70 kW (95 hp) со комбинирана потрошувачка на само XY* литри со неверојатно ниско ниво на емисија од XY* g/km.

* Ве молиме забележете дека најпрецизни податоци сè уште не се достапни!

Систем Start/Stop

Системот Start/Stop уште повеќе ја оптимизира заштедата на гориво особено во градски сообраќај. Моторот запира кога автомобилот не се движи со пренос во лер и веднаш започнува штом педалата на кумплунгот повторно се активира. Системот може да се активира/деактивира преку копче на таблата со инструменти. Кога системот е активен и моторот е запрен, стрелката на тахометарот оди до означената “AUTOSTOP” позиција да сигнализира подготвеност за автоматски старт. Системот Start/Stop користи подобрен генератор, алансер и посебна батерија, а стандарден е со 1.3 CDTI ecoFLEX од јануари 2011 година.

Прилагодливо предно осветлување (AFL)

Како и на секоја ѕвезда, така и на новиот Opel Astra Sports Tourer му е потребна само вистинската светлина. Новиот Astra Sports Tourer е достапен со прилагодливо предно осветлување – најнапреден систем на фарови во компактниот сегмент.

Подвижните елементи во елегантните би-ксенонски фарови самите автоматски се прилагодуваат на различни услови, обезбедувајќи побезбедно и порелаксирано возење. Девет различни функции на осветлување го извлекуваат максимумот од секоја ситуација, подобрувајќи го осветлувањето на патот до 90% наспроти фиксни фарови – без да заслепуваат други возачи.

AFL во огромна мера ја зголемува видливоста низ свиоци и остри кривини, овозможувајќи значително побезбедно ноќно возење. И многу порелаксирано.

Opel Eye Систем за сообраќајни знаци и предупредување при излегување од лента

Opel Eye е вашиот високотехнолошки копилот. Системот на предна камера на Astra Sports Tourer е специјализирана камера со висока резолуција и широк агол која ви помага да возите побезбедно и да избегнете казни за брзо возење.

Монтирана позади внатрешниот ретровизор, предната камера препознава знаци со ограничување на брзината и потоа ги покажува на таблата со инструменти. Системот за сообраќајни знаци ги чита ограничувањата на брзината и знаците за забрана на претекнување и го сигнализира завршувањето на ограничувањата. Активен е од 14 km/h до 200 km/h (дење) и 150 km/h (ноќе) соодветно. За разлика од системите за навигација со зачувани ограничувања на брзината, системот работи во реално време и затоа секогаш е тековен.

Со 60 km/h исто така препознава дали возилото случајно ја преминало сообраќајната лента без возачот да најави. Тогаш испушта гласно предупредување и активира предупредувачко светло на централниот екран. Ова исто така помага во случај на замор и привремена загуба на концентрација.

Помош при паркирање

Системот за помош при паркирање помага да се откријат пречки во предниот и задниот дел. Растојанието до пречките се покажува акустично преку пулсирачки систем и дијаграм во дисплејот.

Пасивна безбедност

Новиот Opel Astra Sports Tourer не е опремен само со врвни активни безбедносни системи, туку и ги штити своите патници со одлични пасивни безбедносни технологии.

Големи браници и високо ефикасни системи за апсорпција на енергијата се справуваат со помали удари. Носачите на браникот се прецизно позиционирани за максимална заштита при удари во други автомобили со мала брзина, помагајќи да се намалат сметките за поправка и водејќи до одлична осигурителна класификација.

Цврстата патничка кабина е главно составена од силен челик и опкружена со оптимизирани зони на деформација кои штитат на контролиран начин. Во внатрешниот дел, затегнувачите на сигурносните ремени на предните седишта, предни, странични и воздушни перничиња-завеса, системот за отпуштање на педалата и активните потпирачи за глава се усогласени со цел да ве заштитат.

А за да го заштитите вашиот нов Opel Astra Sports Tourer од кражба, достапен е напреден аларм систем кој ги исполнува најстрогите стандарди на осигурување.